काठमाडौ। नेपाली आधुनिक गीत, संगीतको क्षेत्रमा गायिका बबिना भट्टराईको स्वर तथा संगीत एवं कैलाश घिमिरेको शब्दमा प्रेमिल भाव बोकेको गीत ‘तिम्रै मुटुमा’ सार्वजनिक भएको छ । गीतकार कैलाश घिमिरेले गीत ‘तिम्रै मुटुमा’ मार्फत एउटा प्रेमीको भावनात्मक व्यथा, तडप, र समर्पणलाई निकै कोमल र भावुक रूपमा प्रस्तुत गरेका छन् ।
पछिल्लो समय नेपाली आधुनिक गीत,संगीतमा जब बबिना भट्टराईको नाम आउँछ, श्रोताको मनमा एउटै अनुभूति जाग्छ कोमलता, प्रेम, र भावुक धुनहरू सहितको मिठास । यिनै भावहरू बोकेको ‘तिम्रै मुटुमा’ गीतले फेरि एकपटक प्रेमिल मनहरुलाई तानिरहेको छ । संगीत सरल छ, कुनै भारी संयोजन छैन, कुनै जटिल प्रयोग छैन तर त्यही सादगी र सरलपनमा मिठास छ । ‘तिम्रै मुटुमा’ कुनै क्षणिक हिट हुने गीत होइन यो त त्यो प्रकारको गीत हो युग युग सम्म प्रेमिल मुटुहरुमा गुञ्जिरहन्छ ।
गीत ‘तिम्रै मुटुमा’ मा देवेन्द्र नेवाःको एरेन्ज रहेको छ । अकेष्टिक नेपालको स्टुडियोमा दिल समर्पण र राजाबाबु थारुले रेकर्ड गरेका उक्त गीतकोे मिक्सिङ मास्टरिङ प्रकाश मिश्रले गरेका छन् ।
ए.जे. अजुले छायाकंन र निर्देशन गरेका ‘तिम्रै मुटुमा’ गीतको भिडियो सम्पादन भने अनिल विष्ट प्युठानीले गरेका छन् । भिडियोमा बबिना आफै फिचर्ड भएकी छिन् । ‘तिम्रै मुटुमा’ गीतको भिडियोमा रोजिना श्रेष्ठको श्रृङ्गार रहेको छ । गीत ‘तिम्रै मुटुमा’ भिडियो गायिका तथा संगीतकार बबिना भट्टराईको युट्युब च्यानल मार्फत सार्वजनिक गरिएको छ ।
प्रतिक्रिया दिनुहोस्: