क्यूपिड चिल्ड्रेन्स होम एकेडेमीका कविता

दशैँ
आर्शिया थापा
कक्षा : ८
दशैँ पनि आयो जमरा पनि लगायौँ
वर्षमा एकचोटि आउने दशैँ
बुबाआमाको काखमा रमायौँ ।

मनमा रहेका पिर चङ्गासँगै उडाइयो
यसपालिको दशैँ आमाबुबासँग मनाइयो ।

टीका र जमराले सजिने चाड
दुःख, पीडा भुलेर रमाउने चाड ।

काँधमा झोला र हातमा कोसेली
लिएर फर्कंदा आमा नै जोसेली ।

वर्षमा एकचोटि आउने चाड
रमाइलोको साथ मनाऊँ
परदेशबाट फर्की सबैजना
मिलीजुली चाडवाडमा रमाऊँ ।
क्यूपिड चिल्ड्रेन्स होम एकेडेमी
टोखा–३, बालुवापाटी, काठमाडौं। 

दशैँ
आज्ञा शाही
कक्षा : ८
यसपालि हेर्दाहेर्दै दशैँ आइसके छ
गाउँघरमा खुसीयाली छाइसकेछ ।

नयाँ कपडा र निधारमा टीका
घर फर्किए छोराछोरी परदेशिएका ।

पिङको डोरी, आकाश छुने चाह
आमाबाबुलाई भेट्ने मीठो यो साथ ।

दुर्गा माताको जय जयकार
शक्ति र विश्वासको विचार ।

नाता जोड्ने यो परम्परा
मौलिक नेपाली पहिचानद्वारा ।
क्यूपिड चिल्ड्रेन्स होम एकेडेमी
टोखा–३, बालुवापाटी, काठमाडौं