उषा केसीको ‘हिउँफूल’ उपन्यासमाथिको संवाद

काभ्रे (बनेपा ), २०८२ पुस १० गते बिहीबार। शब्दयात्रा प्रकाशनले शब्दसाधना प्रस्तुतीकरण कार्यक्रमको दोस्रो शृङ्खलामा उषा केसीद्वारा लिखित उपन्यास ‘हिउँफूल’ माथिको संवाद कार्यक्रम आयोजना गरेको थियो ।

समालोचक डा. दयाराम श्रेष्ठ प्रमुख अतिथि र शब्दयात्रा प्रकाशनका जग्गादाता कृष्णमणि कुइकेल सभापति रहनुभएको कार्यक्रममा शब्दयात्रा प्रकाशनका संस्थापक अध्यक्ष हरि मञ्जुश्रीले शब्दयात्रा प्रकाशनका विषयमा जानकारी गराउनुभएको थियो ।

काठमाडौँबाट आउनुभएका साहित्यकारहरू डा. इन्दुल केसी, शान्ति रिसाल, राधा कार्की र पार्वती भट्ट एवम् काभ्रेपलाञ्चोक जिल्लाबाट उपस्थित गीतिभास्कर मच्छेश्वर सापकोटा तथा साहित्यकारहरू शारदाप्रसाद शर्मा, कालिका त्रिपाठी पन्त र पुण्यवती घलेले ‘हिउँफूल’ का विषयमा चर्चा गर्नुभएको थियो ।

कवि मुरहरि रायमाझी ‘हरि’ ले कविता वाचन र कृतिकार उषा केसीले मन्तव्यसहित सभाविसर्जन गर्नुभएको  थियो। कार्यक्रम संस्थाका आजीवन सदस्य कवि अच्युत अधिकारीले सञ्चालन गर्नुभएको थियो।  मञ्चस्थ महानुभावहरूलाई रुद्राक्षमाला अर्पण लेखक दामोदर घिमिरेले र शब्दयात्रा प्रकाशनका तर्फबाट अतिथि साहित्यकारहरूलाई उपहार समर्पण लेखक प्रकाशबहादुर कायस्थले गर्नुभएको थियो ।