थापाको लघुकथा सङ्ग्रह ‘सपनाको पहाड’ विमोचन

काठमाडौ, पौष २७ गते शनिबार। सिर्जना अभियान समाज भक्तपुरको व्यानरमा ध्रुवराज थापा ‘पुरुष’ द्वारा लिखित लघुकथा सङ्ग्रह ‘सपनाको पहाड’ को विमोचन कार्यक्रम भव्यताका साथ सम्पपन्न भयो । समाजका सचिव ध्रुव मधिकर्मीको सभापतित्व र डा. पुष्करराज भट्टको प्रमुख आतिथ्यमा सञ्चालित उक्त कार्यक्रममा शब्दाङ्कुर मासिकका प्रधान सम्पादक धीर कुमार श्रेष्ठ र समालोचक दीपक लोहनीले कृतिका गुण, दोस केलाउँनु भएको थियो ।

हाम्रो लघुकथा केन्द्रका संस्थापक अध्यक्ष लता केसी, पूर्वमन्त्री एवं साहित्यकार त्रिलोचन ढकाल र ई. डा. दीपक विक्रम थापा क्षेत्रीले कृतिबारे शुभकामना राख्नुभएको थियो । कार्यक्रम वन्दना घिमिरेले संचालन गरेकी थिइन् भने इन्दिरा चापागाईले स्वागत मनतव्य राखेकी थिइन् ।

प्रार्थाना खनाल, रमेश सुवेदी, मन्दिरा चापागाईं र शान्ता तिम्सिनाले कृतिबाट १/ १ लघुकथा वाचन गरेका थिए । जन्मोत्सव समेत रहेका कृतिकारलाई सृजना अभियान समाजले बधाई पत्र प्रदान गरेको थियो भने हाम्रो लघुकथा केन्द्रका तर्फबाट जन्मदिवसलाई अझ भव्य बनाइएको थियो । कार्यक्रममा कृतिककारका तर्फबाट मायाँको चीनो प्रदान गरिएको थियो ।

सभाध्यक्ष मधिकर्मीबाट धन्यवाद ज्ञापन गरी औपचारिक कार्यक्रम समापन गरिएको थियो। कृतिकार ध्रुवराज थापा ‘पुरूष’ हाम्रो लघुकथा केन्द्र बागमती प्रदेशका उपाध्यक्ष हुनुहुन्छ।